போலீஸ் வந்திருக்கு!!

கணவன்: பக்கத்து விட்டு அம்மணிக்கு தீபாவளி பலகாரம் கொடுத்தாயா ?

மனைவி: ஆமாங்க!! நிறைய கொடுத்தேங்க!!

கணவன்: வெளியே வந்து பாரு! போலீஸ் வந்திருக்கு!! கொலை முயற்சின்னு கம்ப்ளெயிண்ட் பண்ணி இருக்காங்க!!...

*********************

பெண் வீட்டார் :  எதுக்கு  வரதட்சணை பணத்தை கல்யாணத்துக்கு ஒரு வாரம் முன்னாடியே கேட்கிறீங்க..?.."

"மாப்பிள்ளை வீட்டார் : ” "மாப்பிள்ளையை ஜாமீனில் எடுக்க தான்..!,,"

*********************

ஜவுளி கடைக்காரர்: "ஐயாயிரம் புடவை வாங்கிட்டு, பத்தாயிரம் ரூபாய்க்கு பில் கேட்கிறீங்களே.. ஏம்மா ..?.."

பெண்: "பில்லை காட்டினா தான் புடவை ரூபாய் 10,000 /- பக்கத்துக்கு வீட்டுக்காரி நம்புவா...!.

*********************

ஒருவர் : வீட்டுக்குள்ளே தங்கத்தை புதைச்சு வச்சிருக்கேன்! அதை நீயே வச்சுக்கோ!!ன்னு வீட்டுக்காரன் சொன்னதை நம்பி வீட்டை வாங்கினதுனால, ஜெயிலுக்கு வர வேண்டியதாப் போச்சு!

மற்றொருவர் : எப்படிங்க?

ஒருவர் : அவன் வீட்டுக்குள்ளே புதைச்சு வச்சிருந்தது அவன் பொண்டாட்டி தங்கத்தை!!

*********************

தங்கம், வைரம், முத்து, பவளம் !

வருமானவரி அதிகாரி: உங்க வீட்டுல இருக்குற தங்கம், வைரம், முத்து, பவளம் எவ்வளவு இருக்குன்னு உடனடியா எங்களுக்கு தெரின்சாகனும் !

பெண் : தங்கம் - 55 கிலோ !  வைரம் 3 கிலோ ! முத்து 22 கிலோ ! பவளம் பிறந்த உடனே செத்து போச்சு !

வருமானவரி அதிகாரி: என்னம்மா சொல்றே!

பெண்  : தங்கம் எங்க வீட்டுக்காருங்க! முத்து எங்க முதல் மகனுங்க!  வைரம் 3 மாத குழைந்தங்க!  பவளம் 2 வருடத்திற்க்கு முன் பிறந்த உடனே செத்து போச்சு !

*********************

பெண் : இவ்வளவு இடம் இருக்கும் போது எதுக்கு நின்னு கிட்டே சாப்பிடுறீங்க?

ஆண் : பொண்டாட்டியோட சம்பாத்தியத்துல உட்கார்ந்து சாப்பிடுறான் பார்னு யாரும் என்னைக் கேவலமா பேசிடக் கூடாதுன்னு தான்!

*************************

பெரியவர் : உன்னை எனக்கு ரொம்ப பிடிச்சு போச்சும்மா! நீ எனக்கு மருமகளா வந்தா கடைசி காலத்துல கஞ்சி ஊத்துவியாம்மா?

பெண் : தப்பு தப்பா பேசாதீங்க ! கடைசி காலத்துல பால் தான் ஊத்துவாங்க !

**************